Miss Zooz~.. المديره
الجنس : عدد المساهمات : 88 تاريخ التسجيل : 03/02/2011
| موضوع: قصة سيندريلـآ الحقيقيهـ~.. الجمعة فبراير 04, 2011 2:22 am | |
| مرات الاب : بت يا سندريلا اصحى يا بت جاك خابط فى نفوخك سندريلا : اييييه يا مرات ابويا حقوم عالخمسة ... مرات الاب: قومى يا بت قامت قيامتك ... وصحيت سندريلا وهي بتأفأف...
مرات الاب : يالا قومي اكنسـي وامسحي على ما نيجي سندريلا : وانتو رايحين فين ومتزوقين كده وكل واحده عامله نيو لوك مرات الاب : رايحين حفله الامييير اللي حيختار واحده عشان يتجوزهـا سندريلا : خدونى معاكو انا عاوزة اروح بليز مرات الاب : تروحي فين يا موكوسة بلبسك المهرول ده انا عايزة ارجع الاقي ....البيت بيبرق ومشيت مرات الاب وبناتها التلاتة وقعدت سندريلا تعيط وفجأة طلعتلها الساحرة من الميكروويف الساحرة : مالك يا سندريلا سندريلا : كان نفسي اروح معاهم الحفلة بس لبسي مقطع و موبايلى كارت ولابسة.... شبشب بصباع الساحرة : ولا يهمك وطلعت الساحرة من جيبها الموبايل وطلبت رقم الفون بتاع مدام لولو يبعتو فستان وجزمة اخر " موديل" فرحت سندريلا ولبست وحطط الايشادو والجليتور ورشت البرفان .... !!! بس الساحرة قالتلها : قدامك للساعه 12 لازم ترجعي انا صعيدية ودمي حامي ومعنديش بنات تتأخر و لو اتأخرتى حترجعي زي ما كنتي بلبسك القديم وسط الناس سندريلا : حاضر حاضر خرجت سندريلا من البيت لقت الساحره مجهزة (بي ام دابيو) ركبت سندريلا وراحت ع القصـر ولفت جمـالها كل اللي موجودين واول ما عين الامير وقعت عليها >>>> راح وطلب يرقص معاها ووافقت نظرات ... همسات ..... صمــت > ترررررررررن ترررررررررررن سندريلا : ده الساحره بتديني ماسيج .. يا خبر الساعة 12>>وقامت>طالعة تجري قوم ايه وهي بتجرى فردة الجزمة اتخلعت ، خدها الامير المعجب ونادا للوزير الامير : يا وزير تامر الوزير : امرك مولاي الامير : خد الجزمة دي اسحبلي صورتها اسكانر ونزل صورتها في كل الجرايد و ع الويب سايت بتاع قريتنـا واكتب الى صاحبة هذه الجزمة التوجهة للقصـر الملكي .... ؟؟؟ بنات كتير جدا راحو و يا سبحان الله الجزمة مجتش على مقاس حد فيهم (ال يعنى > سندريلا رجليها رجل معزة ) الى ان شاهدت سندريلا الاعلان عن فردة الجزمة على ميلودي وقامت بالتوجه الى القصر وتزوجت هي والامير وعاشو فى تبات ونبات وخلفو توأم ملتصق وشويه بنات ..... | |
|
شوق القمر عضوة فعآآله
عدد المساهمات : 120 تاريخ التسجيل : 04/02/2011
| موضوع: رد: قصة سيندريلـآ الحقيقيهـ~.. الإثنين فبراير 07, 2011 7:36 am | |
| حلوة بتجنننننننن بس مو كأن ساندريلا قصة خورافية ول شنو ؟ بس ثانكس حلوة | |
|
Miss Zooz~.. المديره
الجنس : عدد المساهمات : 88 تاريخ التسجيل : 03/02/2011
| موضوع: رد: قصة سيندريلـآ الحقيقيهـ~.. الإثنين فبراير 07, 2011 8:34 am | |
| | |
|
شوق القمر عضوة فعآآله
عدد المساهمات : 120 تاريخ التسجيل : 04/02/2011
| موضوع: رد: قصة سيندريلـآ الحقيقيهـ~.. الثلاثاء فبراير 08, 2011 11:34 pm | |
| العفوا بس ترى مررررة عجبتني تقبلي مروري | |
|
Miss Zooz~.. المديره
الجنس : عدد المساهمات : 88 تاريخ التسجيل : 03/02/2011
| موضوع: رد: قصة سيندريلـآ الحقيقيهـ~.. الجمعة يونيو 17, 2011 2:05 am | |
| تسامي مره ثآنيه ع المروور =) | |
|